بسم الله اللي تفرد في خلوده *** وتعالى من كان الملك أحد جنوده

وعد اللي شكر بإنه يزوده *** وتوعد الكافر اللي تكبر بجحوده

ياويل من تعدى حدوده *** ما درى عن برقه ورعوده

وناره اللي تبدل بها جلوده *** بها الناس والحجر اهي وقوده

ما تهنى داخلها بموته ولا رقوده *** يبي رجعة لدنيا فيها شروده

أو جنة الفرح لصاحبها يشوده *** جزا الرحمة من آمن بوجوده

ابتديت بالحب ونطقت السلام --- وبكتب عن عشق لين تجف اقلامي عن حلم جميل تحقق من الاحلام --- عن جنون ما يسرقه حرامي عن هوا غال مثير للاهتمام --- عن سعادتي معه تشهده بها ايامي عيد زواجنا يا هيا من بعد عام --- من الهنا صعب اعبره بس بكلامي حياء وطيبة وعطف واحترام --- فضل الله رمية من غير رامي وسع عين ورسم جفن وابتسام --- وصل مكان ومقام سامي مرت سنة ما فارقني في مقام --- وحرص علي في صلاتي وصيامي كل شي عشناه ما بقى الا غلام --- يرسم الفرحة وان لخبط منامي ما دامه منك يا حب بلا سهام --- يا قلب بنبضته طير خيامي وهنا احمد الله واشكره في الختام --- وللرسول عليه صلاتي وسلامي

نسمي بالله وعليه نتوكل ما خاب من كان الرحمن في عونه وابتديت بخطوة في درب تذلل بقدرته سبحانه ذل كل من دونه والتقي بنور ربي عطاه وجمل فديته أغدي كشنة من رمشة جفونه هذاك لما درى بجيتي هلل مرحبا بك فداك سدير وكونه جاء الخير ومر بقلبي وتسلل وحجز مكانه وثبت بفتونه هذي الغلا أم لعيالي في المستقبل حب عشته عهدي علي لأصونه لما شفته قلبي من مكانه حول وضاع عقلي ما بين شكله ولونه فديته استحى وبجلسته ما طول غزال يرحل بعيد على هونه قال شروطي قلت آمر وتدلل قال أنت أنا, وقلبك بجنونه يبيني كذا وأنا كذا من الأول لأني حسبت الرمشة غمزت عيونه

قصتي مع من له في قلبي مكان وابتدي كلامي بكان يا ما كان
جميل الحسن والأخلاق فيه آن لو أوصفه ما وسع لي ذكر البيان
واختصر القول: سبحان الخالق المنان الطول والوجه والمحاسن والأركان
والصدق والإخلاص والمحبة في البنان يعجز يكتبها قلم أو ينطقها لسان
 ربي احفظه من شر إنس وجان وعن المصايب إنك اللطيف الرحيم الرحمن

أخفى حبه أربع سنين حتى بان شجعه نورة الصديق اللي عان
وابتدى حبي ومعاه شاهد عيان ساعة ضدي وساعة علي حان

لي عاشق يوصف أغلى الناس أحقر منك ما الله خلق من قوي المحبة وصدق الإحساس يقولها لحبيب بعشقه غرق آه من قلب أشوفه ألماس آه من حب انتهى في ورق اشرب من مر عذابه كاس يمرضني ما يمرضني بها عرق ظلمني كلام ماله أساس غص الآكل والشارب منها شرق شفت مشهد صابه منه وسواس قلل مقداري والاحترام احترق نسى عمر ممنوع من المساس ورمى سهم على القلب واخترق طبعي أسامح والجرح جلاس وأجامل لو الغضب عليه سبق ما بقى من الصبر شي و حاس نهايتي قربت إذا القمر افترق